Presidentja e Kosovës, Vjosa Osmani, u ka dërguar mesazh mërgimtarëve përmes një videoje të postuar në Instagram, ku mund të shihen pjesët dhe rajonet më të bukura të Kosovës.
Presidentja Osmani ka thënë se ata që jetojnë në diasporë janë zemra dhe shpirti i Kosovës. Ajo iu ka bërë thirrje të vijnë sa më shumë në atdheun e tyre.
“Kosova tani më shumë se kurrë ka nevojë për ju”, ka thënë Osmani.
Në mesazhin e Presidentes së Kosovës thuhet gjithashtu:
“Bujaria dhe përkushtimi juaj për atdheun është i jashtëzakonshëm. Malli për Kosovën është një lidhje që na bashkon, kudo që të na çojë jeta. Kthimi juaj këtu forcon identitetin tonë kolektiv dhe na kujton shpirtin e qëndrueshëm të popullit tonë. Kosova tani më shumë se kurrë ka nevojë për ju. Përvojat, aftësitë dhe perspektivat tuaja janë tejet të çmueshme, ndërsa ne vazhdojmë ta ndërtojmë një të ardhme më të ndritshme për atdheun tonë të dashur. Ju ktheheni në vatrat tuaja Ju ktheheni në Kosovën tuaj, atdheun tuaj shpitëror. Dyert, zemrat dhe shtëpitë tona janë të hapura sepse ju jeni zemra dhe shpirti i Kosovës“, ka thënë Osmani.