Shoqata e Sindikatave Gjermane (DGB) bëri thirrje për mitingje dhe demonstrata në të gjithë Gjermaninë në Ditën Ndërkombëtare të Punëtorëve, 1 Majin. Motoja e e protestave në Ditën e Punës është “Solidariteti i pandërprerë”.

„Bota është në gjendje të përhershme krize: kriza energjetike, kriza klimatike, lufta në Ukrainë, inflacioni i lartë dhe efektet e pandemisë së koronës po krijojnë pasiguri dhe po shkaktojnë tek njerëzit shqetësime ekzistenciale“, thuhet në ftesën e sindikatës për protesta. Ministrja e Punëve të Brendshme të Gjermanisë, Nancy Faeser, ka bërë thirrje për protesta të qeta në Ditën Ndërkombëtare të Punëtorëve, 1 Majin. Policia nuk do të lejojë dhunë dhe trazira të ekstremistëve të majtë, pjesërisht edhe të ekstremistëve të djathtë dhe të kaotikëve, tha Faeser.

Në vitet e kaluara në protestat me rastin e Ditës së Punëtorëve në Gjermani ka pasur shpesh dhunë dhe sulme kundër policisë. Edhe mbrëmë, në një protestë në prag të 1.maji në Berlin, kishte sulme të demonstruesve ndaj policisë.