Ekipi i Granit Xhakës në finale të Kupës së Gjermanisë

Bayer Leverkusen, ku luan me shumë sukses mesfushori shqiptar, Granit Xhaka, siguroi kalimin në finalen e Kupës së Gjermanisë, duke triumfuar kundër Fortuna Düsseldorf me rezultat 4:0.

Pas kësaj fitore, Xhaka është shprehur i lumtur dhe ka lavdëruar skuadrën e tij, e cila, siç tha ai, di të luajë vetëm me 100 për qind të kapacitetit.

“Ne luajtëm seriozisht. Është gjithmonë e rrezikshme në një gjysmëfinale kundër një skuadre të kategorisë së dytë në shtëpi që të luash vetëm me 80 ose 90 për qind. Por ky ekip nuk di 90 për qind, di vetëm 100 për qind – dhe në çdo të tretën ditë”, tha Xhaka.