Frankfurti është qyteti i parë në Gjermani që dekoroi rrugët e tij për Ramazan (10 mars – 9 prill), njoftojnë mediat gjermane. Autoritetet e qytetit morën këtë vendim pas një kërkese të të Gjelbërve, Partisë Social Demokratike (SPD) dhe ministrisë së shtetit për diversitetin dhe luftën kundër diskriminimit.
“Me dekoracione gjatë Ramazanit, qyteti i Frankfurtit dërgon një mesazh të rëndësishëm për jetën myslimane, duke shprehur vlerësimin e tij për njerëzit e besimit mysliman që jetojnë në këtë qytet”, thuhet në peticionin e të Gjelbërve. Kryetarja “e gjelbër” e qytetit, Narkes Eskandari-Greenberg, tha nga ana e saj se “dritat janë simbol i unitetit, kundër rezervave, kundër diskriminimit, kundër racizmit anti-mysliman dhe kundër antisemitizmit”.
Në Frankfurt jetojnë 100,000-150,000 muslimanë që përbëjnë rreth 15% të popullsisë së përgjithshme.
Sipas informacioneve të gazetës BILD, model për vendimin ka qenë Londra, e cila është dekoruar për herë të parë për Ramazanin e vitit 2023. Në Frankfurt, dritat e Ramazanit do të vendosen në të gjithë zonën e këmbësorëve të qytetit.