Sot është hapur një nga dy urat e planifikuara mbi lumin Ibër, të cilat lidhin pjesën veriore të Mitrovicës Veriore me atë jugore. Ministri i Punëve të Brendshme në detyrë, Xhelal Sveçla, e bëri të ditur këtë lajm, duke uruar qytetarët për urën e re.
Edhe kryministri në detyrë, Albin Kurti uroi qytetarët për këtë ngjarje në një postim Facebook.
„Më pak se dy muaj u deshën për të ngritur urën e 36-të në Kosovë mbi lumin Ibër. Ura për kalimin e automjeteve nga sot prej orës 9:00 është hapur për qarkullim.
Urime banorëve e qytetarëve të Mitrovicës së jugut dhe Mitrovicës së veriut! Përgëzime kompanisë dhe punëtorëve për angazhimin shembullor. Punimet në urën tjetër po vazhdojnë“, shkruan Kurti.