Përqindja e banorëve zviceranë mbi 15 vjeç me një sfond migrimi u rrit me 1% për të arritur në 40% vitin e kaluar, tregojnë shifra të reja Zyrës Federale të Statistikave.
Sipas të dhënave të fundit, 2,951,000 banorë të përhershëm ishin me origjinë migrante në vitin 2022, njofton swissinfo.
Gati 80% e këtyre njerëzve kanë lindur jashtë vendit dhe për këtë arsye janë pjesë e gjeneratës së parë (2,342,000 njerëz).
Nga 2,951,000 banorë të përhershëm me prejardhje migrante, 38% kanë kombësi zvicerane. Kombësitë e huaja më të zakonshme janë italiane (10%), gjermane (9%), portugeze (7%), franceze (4%), kosovare (3%) dhe spanjolle (3%).
Termi ‚sfond migrimi’ përdoret për persona pa pasaportë zvicerane, ata që janë bërë zviceranë dhe ata që kanë lindur në Zvicër nga prindërit që kanë lindur jashtë vendit.