Presidenti amerikan, Donald Trump, ka shpallur mbrëmë masa të reja tarifore për të gjitha importet në SHBA. Pjesë e këtyre masave mase është edhe Kosova dhe vendet e tjera të Ballkanit Perëndimor, të cilat do të ndikohen nga këto tarifa të reja.
Mallrat nga Kosova, Shqipëria e Mali i Zi do të doganohen me 10% më shumë. Ato janë në nivelin me Turqinë, Britaninë e Madhe, Australinë, Brazilin e Arabinë Saudite.
Ndërsa mallrat nga vendet e tjera të rajonit do të kenë tarifa shumë më të larta: Maqedonia e Veriut 33%, Bosnjë-Hercegovina 35%, kurse Serbia 37%.
Trump ka theksuar se një tarifë prej 20% do të aplikohet për Gjermaninë dhe vendet tjera nga Bashkimi Evropian, duke theksuar se këto masa janë reciproke dhe do të mbrojnë interesat e ekonomisë amerikane.
Nga tarifat e reja do të kursehen Kanadaja, Meksika, Kuba, Bjellorusia, Koreja e Veirut dhe Rusia me shpjegimin se ato edhe tani „janë nën sanksione.“
Kryetarja e Komisionit të BE-së, Ursula von der Leyen tha se këto masa janë një “goditje serioze për ekonominë globale”. Edhe liderët e shumtë evropian dhe botëror kritikuan ashpër tarifat e reja të SHBA-së.