Në Berlin u hap panairi më i madh ndërkombëtar i turizmit ITB, ku për herë të parë Shqipëria ka rolin e vendit të nderit.
Në hapjen zyrtare të panairit, kryeministri i Shqipërisë, Edi Rama, tha se turizmi është një një ndër shtyllat kryesore të zhvillimit ekonomik të Shqipërisë. Ai shtoi se Shqipëria nuk është më një destinacion i fshehur, por një vend që po zbulohet dhe po fiton vëmendjen që meriton.
Shqipëria ka organizuar një program të larmishëm aktivitetesh gjatë panairit për të njohur më mirë publikun me ofertën turistike, por edhe me vlerat tradicionale dhe kulturore të saj.
Panairi i turizmit në Berlin ITB 2025 do të jetë i hapur deri më 6 mars.