Nga sot 10 korriku, në Serbi janë rritur tarifat për shfrytëzimin e autostradave.Çmimet për shfrytëzimin e autostradave janë rritur për gati 10 për qind në secilën prej autostradave, ka njoftuar Ministria Serbe e Transportit.
Kjo është shumë e rëndësishmë për mërgimtarët që vijnë në Kosovë përmes Serbisë.
Në rrugën nga Beogradi në Shid, shoferët tani duhet të paguajnë 4.27 euro në vend të 3.85 eurove.
Në rrugën Obrenovac – Prelina, pagesa do të kushtojë 4.79 euro, ndërsa nga Beogradi në Suboticë do të kushtojë 6.84 euro.
Shuma më e lartë do të paguhet në rrugën nga Beogradi në Dimitrovgrad – 14.27 euro.
Zbritje prej gjashtë për qind do të ketë për vetura elektrike. 10 për qind zbritje ka për kamionët me motorë “EURO 6”.
Ministria e Jashtme e Kosovës vazhdimisht ka bërë thirrje që të shmangen udhëtimet përmes Serbisë.