Nga sot (26.02.2022) në ora 22:00 fillon greva në aeroportin e Dyseldorfit dhe në aeroportin Këln/Bonn, e cila do të zgjasë deri me 27 shkurt në ora 24:00. Kjo do të thotë se gjatë kësaj kohe nuk do të fluturojnë shumë avionë nga këto aeroporte. Por ditën e hënë, pra nesër me 27 shkurt do të ketë greva edhe në disa shërbime të tjera publike. Sindikatat kanë bërë të ditur se greva do të ketë më së shumti në landin Renania Veriore Vestfalia, pra në NRW, por këto greva mund të pengojnë edhe rajone të tjera të Gjermanisë. Nesër dhe pasnesër do të ketë greva edhe në trafikun publik me tramvajë, me trena lokalë, me metro dhe autobusë në qytetet Këln, Bonn, Essen, Leverkuzen, Achen, Dyseldorf, Dyren dhe në shumë qytete të tjera të këtij landi. Përveç aeroporteve dhe transportit publik, greva në dy ditët e ardhshme do të ketë edhe në shërtbime të tjera, si për shembull në kopshte për fëmijë, në shërbimet publike në komuna, në disa vende madje edhe në Sparkasse dhe në shërbime të tjera.
Grevat do të mbahen për shkak se negociatat e fundit mes sindikatave dhe punëdhënësve në aeroporte dhe në shërbimet publike kanë dështuar. Prandaj, ekziston frika se greva dhe bllokada mund të ketë edhe në ditët dhe javët në vijim, në veçanti kur dihet se negociatat e ardhshme janë parashikuar për 27 dhe 28 mars të këti viti, pra pas një muaji.
