Në ditën e hapjes së Lojërave Olimpike në Paris, kompania hekurudhore franceze SNCF njoftoi për një “sulm masiv” në rrjetin e trenave të shpejtë. Lidhjet e shumta të trenave me shpejtësi të lartë TGV duhej të anuloheshin, tha SNCF. Rreth 800,000 udhëtarë janë prekur.
Në deklaratë për median thuhet se Franca kishte qenë “viktimë e disa akteve të njëkohshme keqdashëse” të mërkurën në mbrëmje. “Sulmet e zjarrvënësve” u nisën me sa duket për të dëmtuar objektet. Operatori i trenit rekomandoi “të gjithë udhëtarët të shtyjnë udhëtimin e tyre dhe të mos shkojnë në stacionin e trenit”.
