„Zgjedhjet serbe në Kosovë nuk mund të organizohen pa një marrëveshje ndërshtetërore mes Kosovës dhe Serbisë si shtete sovrane dhe të pavarura“. Kështu tha kryeministri i Kosovës, Albin Kurti në takimin me përfaqësuesit e pesë shteteve të QUINT-it (SHBA, Franca, Gjermania, Italia dhe Mbretëria e Bashkuar) dhe të BE-së në Prishtinë.
Sipas një komunikate për media nga Qeveria e Kosovës, në këtë takim Kurti ka shprehur keqardhje për mungesën e gatishmërisë se Serbisë për një marrëveshje të tillë, që do t’u mundësonte shtetasve të Republikës së Kosovës që kanë edhe shtetësinë e Serbisë të marrin pjesë në zgjedhje, sipas praktikave më të mira evropiane ndërshtetërore për votim jashtë vendit.
Zgjedhjet parlamentare në Serbi mbahen më 17.12.2023.