Të paktën 20 persona janë lënduar pasi një veturë ka përplasur një grup njerëzish sot në Mynih. Policia njoftoi se është duke u zhvilluar një operacion i madh policor në zonën ku ndodhi incidenti.
Bëhet e ditur se shoferi është ndaluar në vendngjarje, por ende nuk dihet motivi i tij. Në mesin e të lënduarve ka edhe fëmijë.
Policia njofton se në momentin kur ndodhi përplasja, në vendin e ngjarjes zhvillohej një tubim i sindikatës Verdi.
Nesër në Mynih fillon Konferenca e Sigurisë, ku do të marrin pjesë shumë politikanë nga mbarë bota. Siç u paralajmërua, nënpresidenti i SHBA-së, JD Vance dhe presidenti ukrainas, Volodymyr Zelensky pritet të mbërrijnë sot më vonë në Munih.