Sot bëhen 19 vjet nga vdekja e presidentit Ibrahim Rugova. Ai vdiq më 21 janar 2006.
Në 19 vjetorin e vdekjes së presidentit Ibrahim Rugova, nën organizimin e presidentës së vendit, Vjosa Osmani, do të mbahen një sërë aktivitetesh.
Presidentja Osmani dhe ambasadorët e akredituar në Republikën e Kosovës kanë bërë homazhe tek varri i presidentit Rugova, në Velani.
Gjatë ditës do të mbahet Akademia Përkujtimore për nder të presidentit Rugova, do të hapet ekspozitë e fotografive të presidentit Rugova, nga fotografi Hazir Reka, e do të ketë edhe shumë manifestime tjera përkujtimore.